کنمله ابصوف ممتحنه محنتی

و کناگل بل حنان الهم محنتی

بچیت و صارت ادموعی محنتی

خذت ثوبی و دموعی اشهود لیه

*

الماحس ابهضم و ابعار شیحس

و مثل اهل الکهف لو نام شیحس

الما حس ابظهرهه و رکب شیحس

الزلم تنعد زلم بل موزمیه

*

تظن ایطیر طیر ابغیر ینحان

و تظن اعله الجبان احرار ینحان

تظن اعله الانام ابلیس ینحان

و تظن منکر سموح اعله الخطیه

*

لو بین الاسود الذیب رابی

احتفظ منه اعله کتلک دوم رابی

انه فوضت امری بید رابی

الدهر و ابلیس و الدنیه علیه

*

اخدعت نفسی و نسیت الموت بلهای

و صرت شبه الطردهه الذیب بلهای

تندمت و سچیب الدمع بلهای

ازیاگی و زال رکن الصبر بیه

*

دمه صبن جفونی اعلیک ودریت

الگلب یوم الجفیته العگل ودریت

خبر محزن لفانی ابعجل ودریت

الدهر طیبین ودرهم علیه

*

الدهر چم دوب الی یاصاح خله

مرض و اسهام بل دلال خله

الما شارک و عاف ابضیج خله

یضل اوحید یوم الموزمیه

*

لو تسمع یخی الغربان تنعاب

اعتقد رکنی ارتحل و اگلوب تنعاب

صرت مثل ام ولد مکتول تنعاب

حزن لمن اخوتی اتعود لیه

*