بسم الله الرحمن الرحیم

غيبتك طالت يبو صالح لچن نلهج ابطاريك وي مر العصور

و كثره عندك ناس كل ليله التنام  ابامل شوفك توعه ميقات السحور

الناس تستناك يا سيد الزمان  ناسك اهل المعرفه و اهل الشعور

انته غايب يمكن الف امنل سنين  و ثلث من الالف وي عده شهور

لچن موغايب عن اذهان الاحباب  و دايم انته اببالنه ذچرك يدور

احنه ننتظرك و نفرشلك طريق  باطيب افراش الزمن و اجمل زهور

و انترجه ابيوم يومين و ثلاث  تظهر و  بيك الزمن يزهي و ينور

بيك نرجس ما ظهر بيهه الحمل  و لعد ما جابتك خفيه اعلي الحضور

و هاي معجزتك مثل موسي الكليم ذاك موسي البل عصي في البحور

و انته فخرك زاد عن موسي ابكثير لاهي وحده و لا اثنين ابكل امور

و انته لحظه الصرت بل دنيه كليم و ماهو نص عمرك بارض سينا و يطور

و انته بس اولدت سلمت و حچيت  و نزلت امنل سما اتهنيك الطيور

انمن علي الي استضعفو انته التليت من صرت و انكشفت اعليك الستور

و انته ذاك اليملي  العالم عدال  ابدال ما بس ظلم چان و چان جور

و يفرح المتخذ دربك  ساعته  و يصبح  ابدرب الي متخذه فخور

و  الي مو معتقد جيتك من سمع بل نبا  شيفيد اله اللوذ ابجحور

لا ابهامه العض يفيده و لا اسف  من خلص عمره و لحگ باهل القبور

و ربعك الميه و بعد عشره و ثلاث بيك عالم باكمله  بيهم تكور

و انته متقلد تجينه ابذولفقار و لامه المصطفي و يزداد السرور

و انته ذاك المايبالي امنل سلاح  الطورته اعداك و ازدادت غرور

اشما علمهم زاد و اشما طورو  ما هم ابمقياس الك سيد الزمان

انته لن جدك مدينه امنل علم و الفضايل و المعاجز و الاحسان

انتم ابالف السنين الماضيات بارزيتو و طوعيتوهم الجان

انتو شقيتو القمر وسط السما  وصله چان و صار للناظر اثنان

انتو رديتو الشمس بعد المغيب  و من سواكم ردهه من فات الاوان

و هسه لليندعي اتطور بل علوم  خل يجينه ابوحده منهن بامتحان

قادرين ايبارزون العرفطه  و جيشهو المخفي  ابسيوفه و بالسنان

لا اشحدهم وينهه اعلوم التفوق همه حتي الجن فلا شافو عيان

حايرين ابكشف علم الف المضن  هم  الامريكي و هم الابرطان

غشهم الصاروخ من دفعو بعيد  و بل نوه  القنبل الضربو بي جپان

لا فلسطين  السلم من الظلم و لا عراق و حتي لديار الافغان

وين عدهم كتب تغنيهه العلوم  ما اتعادل آيه كلهه امنل قرآن

و البسيطه  ابكذب بيهه ايكبرون  اباي الا ربهم هذول ايكذبان

يمتي يل مهدي تجي و تامر الريح و العواصف تلعب ايسار و يمان

و الابابيل ابرمی سجيل ذاك تعزل ابارواحهم من الابدان

و الارض تتطههر امنهل الدجل  و القسط و ا لعدل يجره ابكل مكان

کلمات فرحان صیهود الشریفی

***************************************