مبحر ما یلچ بلمی شلچبی

و غده علچ الصبر عاصی شلچبی

ابکبرتی العشگ یا روحی شلچبی

احترمی شیبتی و ستری علیه

*

ما یوم الوکت روحی یسرهه

و عسرهه امحیط چا یمته یسرهه

الناس اتسببح و یصرچ یسرهه

و انا اسبح الرضا حسره علیه

*

ماعون الصبر تغغر ولاخر

انترس و ایضا فلا نده ولاخر

الفگر یم بیتی لا جدم ولاخر

اب بابی و ربط فرسه و دش علیه

*

امسرد ما یهمنی اخیاط لاحوک

ولا تنفع رخاوت زلم لاحوک

وره اضلوعی یگلبی اشلون لاحوک

 ابفاله و ثببتو نیشان بیه

*

اطحنی فوگ لب احشای یرحای

 الچ و السومر امنسنین یرحای

یکرره اعله الذیاب النوب یرحای

و ابتری ابدال لیتچ الف لیه

*

یدهری لو ردت تولی ولکحیل

ابزورک و الذی اتملکه ولکحیل

الکدیش ابساعته ایبین ولکحیل

یطلعه اذراعه یوم الموزمیه

*

بس انته بگیت الملک یابیل

ابارض الذل تنوخ عیب یابیل

الوفگ گد ما عسم ویای یابیل

فگر و العسر دلاهن علیه

*

خوی البل ضیج من عندی یر ایده

اترکه و لا بعد گلبی یریده

حسبته سیف اشو بین یریده

انکسر گبل الفزع بل موزمیه

*

خلص گوتی و بگالی الصبر چالای

 و طحت من فوگ حدده اب بطن چالای

لون ونی یصیر ابمیت چالای

طر لحده و نهض و انتغر لیه

*

ما سلم علیه الشیخ لاباس

اظن کونن اهدوم اسمال لاباس

انمد ا یدی عله الطیبین لا باس

عطیت الموکریم اتخل علیه

*