العین ما تحمل دمعهه اشما دمع ضلت تسیبه

جمر لن صار ابجفنهه الدمع و امضاعف لهیبه

گلبی ضل حزنان ذایب      ما یبطل من ثغیبه

الصوت لمه انگطع منه و صار بل خفیه نحیبه

او عاتبت دنیای قایل         لون یا دنیه نجیبه

و لون بیچ اطباع حلوه و کلهه ماهی اطباع ذیبه

للشباب انچان ما بلموت خلیتی نصیبه

سید امحمد اگصده الرحلته من بیننه وفگده مصیبه

و دبریتیهه یدنیه امصاب و احزان ونهیبه

اشلون یا دنیای عینچ والده لو نادی و الراحل خطیبه

و لون عنه اخوانه نشدو لو سئل خله و صحیبه

منهو ذیچ الحظه یحضر کون و السائل یجیبه

ابالم یا دنیای ریتچ الم ما عالج طبیبه

و کون بدیار الیاس تبقین مادامچ غریبه

آه یا ربی یخالق های دنیانه العجیبه

شمس عمر البشر یلی ابیدک طالعهه و مغیبه

البشر لیش احیا منهم بعض متعدی مشیبه

و بعض بیهه اطفال ماتت لیش قسمتهم جریبه

لیش واستغفر یربی نوح تسع اقرون دنیاته مدیده

و لیش عبد الله الطفل نبل الاجل یذبح وریده

ما اشکن بل عداله لیش بس واحد یعیش اسنین متنعم عدیده

و مثل سیدنه التوفه لیش ملک الموت تبعثله و یصیده

ماهو جده ابحرب خیبر خلع بابه و شاله بیده

و ماهی امه الزهره ربی  فاطمه الزهره الشهیده

ابهل مراتب های عمره  اتنقصه لازم لو تزیده

ربی کلهه اصلاح فعلک  والعبس منک بعیده

و انته زین ادریک قدره  الثابته القدره الوحیده

ربی لو فرحان خاطی ایعوذ بیک ابهل قصیده

لنه متحمس حچاهه و نار فگد الخل شدیده

و های مرهم رادهه الجرح الگلب بلچن تفیده

آه مدری اشگمت اگولن جرحه ما یبره الدلیل

و الم گلبی اشمرد اوصفه اجن یهل سامع قلیل

لن شفت حمل الحزن بگلوبکم ساده ثجیل

و جیت اشارککم یساده و سهم من احزانکم هلیوم اشیل

لون مو دمعی ابعیونی و ما تشوفون الدمع یا ناس بعیونی یسیل

صدگو عین ادموعی نشفت و اثم لو ظنکم علی ادموعی بخیل

انه اکت ادموعی خفیه و من فگد خلی نحیل

و یا خلیل الما یکت ادموعه لو عافه الخلیل

اشراح نعمل بس جماعه و امر من ربنه الرحیل

اشراح نعمل و الممات امر من العالی الجلیل

اشراح غیر الصبر ربی و امر غیرک مستحیل

اشراح غیر الصبر ربی و الحیا صارت غدر

و الوکت خالف و صار البوم یامر علصگر

و بازهه و شنقارهه دنیانه صار ابلاوکر

و الاسود الیوم من جور الهر سکنت جحر

و الدیاسم علمساند غصب سکنت بل قصر

اشکثر چا یا ناس نصبر وین تالیته الصبر

اشکثر یا ناس نصبر و الحزن من کل کتر

یهب مثل اسهیل ریحه و یفر بل وادم یفر

وینک الموعود دظهر بشر الوادم نصر

احضر الموعود و احفر للدجل بیدک گبر

و خل تحس الناس لحظه ابراحه عاشته العمر

*

کلمات فرحان صیهود الشریفی