انجمن شعر و ادب رامشیر (2)

*

گام الیوم یاذینی جرح بعضای یا دکتور             و اشتد الالم بیه و اجیت الحضرتک مجبور

لا واگع ولا جایع لا مکسور لا مضرور               الم من الجدم للراس بیه و بطنی تلوینی

*

تلوینی البطن شعبون وانته الدکتر ایوصفوک         لاگت چلمت الدکتور بیک و لیک الف مبروک

بس شوف الالم دکتورو اوصفلی دوای ارجوک     و من شربت دواک الشاف شربه ارجوک ساجینی

*

هم اسگیک گلالی خلف شعبون من ادوای       و ا صحه اتصی من اول ابعون الله یبعد اچلای

بس گلی الالم هذا لو عندک بعد من دای           گتله  امسخن و ماشوف راح السهر یعمینی

*

گتله امسخن و ماشوف گلی اسکت دواک اهنا      گتله الداء  یا دکتور کله الچان ما گلنا

عاینلی ابطرف عینه و طاح القلممن یمنا                  و گتله الالم بجدامی و شدید الوجع مالینی

*

ملینی الوجع گتله و گلی اشمن وجع هل بیک    لا من جدمک الیوجع لامن بطنک التلویک

دلینه الالم واضح لو راید فتی انداویک                گتله اهنا تحت ضلعی احسن نار تچوینی

*

تچوینی احسن نار یا شعبون طفیهه                و کم امنلنقود اترید للدویات نعطیهه

بس اعضای من الدای لازم خلف تشفیهه           و علی الدویات  الیسکنن وجع  چلوات دلینی

*

دلینی علی الدیات و اخذ انقود من عندی          و گلی اشمن الم بیه حتی ابوجع شو جلدی

و لو ما تعرف النه اعلاج گول انروح للهندی         اشمالک صافن و مبهوت یا شعبون حاچینی

*

مالک صافن و مبهوت من گتله نظر للباب         و گال المرض هل عندک ما مکتوب ابد بکتاب

لاچن صابنی و شفته شخصا یوم بعدی شاب     الله ایعودهه الفاتت ذیچ ایام وسنینی

*

الله ایعودهه گلی و شفته امنبتسم شعبون      و گال للسستره الیمه یلا امشی ابعجل بیرون

گلی اشلونهه ابعینک  شفت اشلون عدهه اعیون    گتله انه ابالم دکتور و انته اتحب تشاقینی

*

گتله انه ابالم و ایگول یا فلتان هذا ادواک             اکید انته الک محبوبه و مکان ایجوز تستناک

اعترضته و گال واعدهه و لو ما هل دوا شافاک        من های النقود اقران ماریدن توارینی

*

ماریدن ولاکن شوف لو بیک الالام اتطیب      من های النواط السود عشره اویاک کون اتجیب

گلتله انجیب من عفته و گلت لابد ظنونه اتخیب   حد ما حان باچرنه و سمعت احد ینادینی

*

سمعت احد ینادینی ابحدیقه العامه و سلم        ما یعرف عرب لاچن یرید اویای یتکلم

امگصر ه المانتو اشویون و وجهه املطف امقلم      ما تسمعنی اصیحنلک لو گصدک تعادینی

*

گتلهه الفکر مشدوه ولله او قسم بلمعبود          لا شفت وسمعت الصوت مثل ال عن سمع مشدود

گالتلی عن الغایه و الحب بس لها المگصود           و ضلت من کلام الشوگ ذاک الیوم تروینی

*

ضلت من کلام الشوگ تروینی و مضت سنتین     و کل یوم ابحدیقه اوعود  عدنه الساعه بل ثنتین

یوم بس من الایام غادرنی الولیف الزین           ما شفته و مضت فتره و لا یحضر یدارینی

*

ما شفته و صرت کل یوم باقطار الزقاق انظر        لچن ماشوف من اهله ولا هوه یجی و یمر

تالیهه لعد شعبون رجعت اردود للدکتر                  گتله اتگربت للموت ارید الیوم تحیینی

*

کلمات  : فرحان صیهود الشریفی