و حگ ال بل طوی عصته شعلهه    صیت و یمنته ایه شعلهه

النفس تدری اشیرفعهه شعلهه    الصبر و الصدگ و اکرام الخویه

*****************************************

و حگ ال بل طوی خالع نعیله        دلیلی ابحزن بغیابک نعیله

لون الحتف یستعجل نعیله         یجینه و تخلص اهموم الدنیه

**********************************************

نشامه الراعو الصاحب و جرهم     و ثمن عل طیب ما طلبو و جرهم

یحگ للحزن بجفاهم و جرهم      دره اشراح و یکت دمع اباذیه

********************************************

انگطع حبل الاخوه منتلیته           و راعی الضگت ملحه منتلیته

حلات الشی یصاحب من تلیته     الخارم بس تشوفه ابکل بدیه

******************************************

اعتنی جمر الهوی روحی وجلهه       و خلق نیران بحشاهه و جلهه

الفاهم اخر الغبره و و اجلهه          النذل بل مبتدی حطهه الرزیه

*************************************************

یهل صاحب ذکه و فاهم و لبلاک      المنصب بالک ایغرک  ولبلاک

المضایف مو حدید و زل و لبلاک     زلم تجتمع و تحل کل قضیه

*********************************************

اشتظن تنفک قیودی ابیوم وسرای         واشد و اگطع دروب الخطر وسرای

لون تنکشف منی افعال و سرای            ابعجب تبگه یهل سامع علیه

الشاعر: فرحان صیهود الشریفی