اللیله لیلت مولدک یا ابا الحسن, مثمنه و منهو الیثمنهه گدر
آنه کل ما فکریت و حاولیت, شفت ما یگدر یثمنهه البشر

انته کلک معجزه ابیوم الصرت, و للشهاده ابطیب یرویک الخبر
انته صرت اببیت محد صار بیه , و لون مثل ابیوتنه مبنی ابصخر
اببیت ربک صرت والله الیدری بس, اشکثر بیته ابمولدک زاد ابفخر
چان جبریل ابصغر سنه ابجناح , لچن ما طار, الجنح کل ما نشر
یغفز و یوگع و ما یگدر یطیر , و ما یعرف السبب لن شخصک حضر
و انته علمته الثلاثه و بیهه طار, و لون ما علمته بل جو ما عبر

النبی امدینت علم و انته الهه باب , و ما ینول العلم من عاف الممر
هم ممر هم باب انته و هم رمز ,  وما ینول العلم من حایط طفر
انته باب و من دخل دربک نجا, و البحث شباک و اسیاج الخسر
انته کلما بل قضیه انته و خلاص , و الینکرک کفر و الثم کفر

انته ذاک البات بفراش الرسول,  و انته ذاک الی عنق مرحب طبر
انته ابو الحملات ذاک الینوصف , و انته  بل حملات کرار  الیکر
انته ردیت الشمس بعد المغیب,  لو ظهر ردت لبو بکر و عمر؟
انته الابخیبر خلعت الباب ذاک, لون عثمان التوازاله و کسر؟
انته لل مسکین بل سجده وهدیت , و بل رکوع و نزلت آیات ابسور
و بابکر بل آیه یوم الینذکر بل المبیت او یل نبی ابلیله الهجر
لوبقه چا باح بسرار الرسول , و من خذا ویاه بس لجل الحذر
ذولی لن ما هم اهل خوه و امان, و بس خیانه ابذاتهم ویه القدر
و یمته مثلک یا علی الهم معجزات, اشما ادور ما لهم کلش اثر
و انته حکمه و معجزه و هیبه و وقار, و نته سیفک ما نزل الا و شطر

انته حید اعداک منک یرتعب , ایضوج یوم الترتدی ابدرع الصفر
انته ما تنطعن مگبل یا علی , و لون طعنه اتصیرلک من الظهر
انته حتی ابلا اسلاح و بل صلات, ابن ملجم لو امگابل ما ظفر
انته علمک لون رادو یکتبوه , و لهم جوهر صار کل مای البحر
چان ما تنتهی اعلومک یاعلی , و لون میهم زودو مای المطر
انته  گلتلهم سلونی یا اناس , گبل لا ارحل و شد حمل السفر
انته گلتهم لدی علم الارض , و السما اکثر معه علم المجر
انته گلتلهم اغتنموهه الفرص , لن تمر مر السحاب الما استقر
فرصه هایه و بیهه بیکم تحصلون , حتی عن الی ابذهنکم ما خطر
و شوف شنهو الفاهم ایخاطب علی , تگدر اتگلی ابلحیتی اشگد شعر
اشتضن هل یسئل علی هذا السوال, بیه یسخر علی لو نفسه سخر
نفسی تلعب من هذول الجاهلین ,کیف ویاهم علی گضه وطر
و عفیه طاقه العنده و ابگلبه القوی ,   ابیوم داسو حگه و اسنین الصبر
آه لو آنی ابمکانک یا علی ,  و قدرتک عندی ویه سیفک ذوالفقر
چان حش حشیت عنق المنفقین ,  و الذی ایعارض اطره ابسیفی طر

لاچن انته الهم حچیته ابجوف بیر , و اسمعنه و بچن بل بیر الحفر
انته تمشی الشهر لاچن  یاعلی ,  منته فرحان ابعجل تطفر نهر
انته عالم و الجره امنیدک صواب , و آنه متاکد صواب و موضرر
بس اضیج امنسمع اسم الحایلوک, عمر عثمان و بعدهم بوبکر
ذولی طمعو بل خلافه اثنعش عام , و حرمو العالم من اعلومک دهر
چانت ادیان و مذاهب من قبل , و نجم صارت , لچن صرت انته الگمر
انته ثابت لاچن انشوف النجم , ایزول  بل مرات و ابمرات خر
احنه متخذین دربک یا علی , و لون گوه انفوسنه امننجرهه جر
و تنتهی الغیبه و یجی المهدی ابسرور , و یبتسم سن الترجاه و نطر
و یملی العالم قسط و یه العدال  بعد ما دجالهه جار و دمر

  موال 

للدین یل قدمت نفسک ثمن وشریت

و برگاب من خالفو ذولفاقرک وشریت

اببیر جن العصو مدری اششفت وشریت

من برز مثلک لل جن تحت الارض باعات

نکرت الجتک علی بخن بخن باعات

منته الی تنجر غصب  گوه و جبر باعات

لن انته حیدر علی الخیبر خلع بابه

و انته الی لاحگ عمر بن عبدود بابه

مرحب الصاح و رجز و ابصق و الک بابه

جندلته بس ارفعت سیفک علیه و شریت

 

 

کلمات فرحان صیهود الشریفی

 

 

علی ا با غلی ثمن للدین وشره

و سیفه ابرگبه الکفار وشره

علی ابرمشت السان السیف وشره

طبر مرحب و مده اعلی الوطیه

 

 

 

برز تحت الارض علجان  باعات

و تنکره البخ علی بخین باعات

علی ماهو الیسیر ابزور باعات

ابصلاح الدین لو یمشی ابنویه

 

کلمات :  فرحان صیهود الشریفی


مجموعه الفوق من کلمات الشاعر : فرحان صیهود الشریفی  بمناسبت ولادت امیر المومنین  علی(ع)